Ye lo que tien agostu, les aventures farturiles son mas bien per fuera de casa.





Ye lo que tien agostu, les aventures farturiles son mas bien per fuera de casa. Les nueses per Forteventura nun tienen comparanza coles de Pululante, pero si que prebamos dos sitios con sorprendente resultau. Dempues de munchos dies de sol, playa-piscina, descidmosnos a alquilar un cochucu pa dar unes vueltes per la iala y, de pasu, si podiemos xintar per delgun llau fuera del T.I, pues meyor. Por ciertu que tenien bon buffet pa lo que un ta veza a alcontrar perhi, pero facia falta un cambiu de tastios. El primer dia de vueltes dionos la hora de xintar en Ajuy, un puertin pesqueru con playa conociu, pero un plizcu apartau del turismu (semeya un). Na mesma playina teniemos un chigrucu con bona pinta y na terracina que nos sentamos a esfrutar del dia. Ya nos entamo a sorprender la bona atencion d’un chigre en primera llinea de playa y en Forteventura n’Agostu, entamaba bien la cosa, mas cuando l’aceite que tenien preparau en toles meses yera curiosin (semeya 2) y tovia mas en llegando un poco de mojo colorau de detalle de la casa. Dexamosnos aconseyar por pexes fresquinos y traxeonnos fogonero (gallu) a la plancha, racion enorme que pidimos por nun tener espines pa que la piquiñina xintare y que terminamos xintando ente toos. Mui ricu, solo plancha, llimon y un plizcu de bon aceite con unes fueyes de llechuga, tomate y les papes arrugaes d’estos llares (semeya tres). Cola mesa compaña del gallu llego la “fula” y nun vos meto nenguna si vos digo que yera frita. Curiosa manera de preparar un pexe enteru y d’esti tamañu, qu’ensin embargu taba nel so puntu de xugosin (semeya 4). Por ciertu, debe ser endemicu de la zona porque nun alcuentru un nome asturianu. Tolos pexes fresquinos a nun poder mas, anque notase que’l tastu que yos-dexa esta parte del atlanticu nun yel mesmu que la nuesa. Vamos, que tienen un tastu munchu mas sele del que tamos avezaos, ensin llegar a ser la “llangosta del caribe” tiren a insipidos por naturaleza. La compaña de la xinta fiximosla con dos medies botelles de La Geria blancu de Llanzarote 2006 (que nun se pa que pido medies botelles si se que voi beber una entera) que nun ye’l blancu que mas me presta d’esa islina (a mi’l que me presta ye’l Bermejo, y’l guinguian que mos dieron en Corralejo al dia siguiente) pero que nun taba nada mal. Y, n’estes pidimos la cuenta (a sumar pan, zumu y un par de cafes con xelo)….nun vos lo vais creer pero fueron 39,5€…too. Si’n vez de medies botelles pidola entera hasta baxa’l preciu. En fin, de volver a Forteventura, repetimos, prestosu sitiu (pa mi que llevau por un vascu, mas que na poles banderes del Athletic qu’habia dientro), bona comida a bon preciu.

Leer desde la fuente del original artículo:
La Jaula de Oro (Ajuy-Forteventura)